Den nynorske nettavisa for ungdom, Framtida.no, tek over produksjonen av medlemsbladet til Noregs Mållag, Norsk Tidend.
Andrea Rygg Nøttveit (28) frå Fitjar skal vere redaktør i Norsk Tidend i eitt år, medan Kjartan Helleve har permisjon. Nøttveit arbeider til vanleg i nettavisa framtida.no. Ho held fram med å arbeide i avisa ved sida av redaktørjobben.
I tillegg vil resten av redaksjonen i Framtida.no bidra med produksjon av saker til Norsk Tidend.
– For oss har det vore viktig at Norsk Tidend blir styrt etter redaktørplakaten, slik at me har den redaksjonelle fridomen me ønskjer å ha, seier redaktør i Framtida.no Svein Olav Langåker.
Ordninga skal førebels vare i eitt år. Framtida.no har i tillegg ansvaret for det redaksjonelle innhaldet i Pirion, Magasinett og LNK.no. (©NPK)
