Heim Nyhende Frp for nynorskfolk flest?

Frp for nynorskfolk flest?

Framstegspartiet skal valnatta innta nynorskfolket si høgborg i hovudstaden.

Kommunikasjonssjef Fredrik Färber i Frp stadfestar overfor Nettavisen at valvaka deira 14. september skal finne stad på Det Norske Teatret – ei høgborg for kultur og nynorsk i Oslo. Det er Noregs Mållag nøgde med.

– Det er glimrande! Eg synest det er eit lurt val av Frp. Dei blir kritiserte for å vere negative til både kultur og til nynorsk, så her slår dei to fluger i ein smekk, seier leiar i Noregs Mållag Håvard B. Øvregård til Nettavisen.

Øvregård synest ikkje dette er utspekulert:

– Nei, eg synest det er fint. Dei har hatt ein litt treg start overfor oss nynorskfolk, men eg trur vi står nærmare kvarandre om fire år, seier Øvregård optimistisk.

Språkfrieri

Leiaren i Mållaget avviser at valet av lokale er eit veljarfrieri frå Frp.

– Frp gjer ikkje noko tilfeldig, men eg ser på det som eit positivt tiltak. Frp legg veldig vekt på å vere eit folkeleg parti, og nynorsk er det mest folkelege språket, meiner han.

Valforskar Marcus Buck ved Universitet i Tromsø synest Frp har vore smarte.

– Det er litt pussig at Det Norske Teatret godtek dette, dersom dei ikkje er nøgde med kultursatsinga til Frp. Men frå Frp si side, er dette smart. Dei er jo store ute i distrikta, seier Buck til Nettavisen.

Og i Frp sitt handlingsprogram for 2009-2013, skriv partiet:

«Språket er kanskje den viktigaste delen av den felles kulturarven vår og bør bevarast som ein levande ressurs. Språkkampen er i stor grad historie, og i dag er det ei veksande semje om at enkeltmenneske skal få velje si eiga språkform.»

Det Norske Teatret har til no ikkje kommentert saka. (©NPK)

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...