Rektorar ved Trææt skule og Fauskanger barne- og ungdomsskule har skrive bekymringsbrev til undervisningssjef Åge Rosnes grunna frykt for språkkaos etter folkeavstemming om målføre i slutten av mai, skriv Askøyværingen.
I brevet til kommunen legg rektorane ikkje skjul på at dei fryktar kaotiske tilhøve framover. Auka tilflytting kan føre til endå større behov for klassedeling.
– Vi er uroa over kvaliteten på språkopplæringa vi greier å gje i desse klassane, og fryktar språkforvirra elevar, seier rektor ved Trææt skule Jostein Danielsen til Askøyværingen. I mange av timane må elevar handtere skriftleg undervisning på det andre målføret, eller skriftleggjering på to målføre samstundes. Dette er særs krevjande for dei svake elevane, heiter det i brevet.
les heile saka her.
I slutten av mai skreiv Askøyværingen at 265 stemde ja til å halde på nynorsken ved Træet skule og Fauskanger barne- og ungdomsskule, medan 189 stemde for bokmål som opplærinsgspråk. Dette var andre gong på sju år at ein har ei slik avstemming i Askøy. Denne gongen var deltakinga svært låg, og berre 28 prosent av dei røysteføre gav si stemme i går.
