Heim Nyhende Fylkesmannen i Møre og Romsdal vil flytta kommunegrenser

Fylkesmannen i Møre og Romsdal vil flytta kommunegrenser

Går det som fylkesmannen i Møre og Romsdal tilrår, kan fleire område i fylket få byta kommune i høve til den planlagde kommunereforma. 

 

Fredag la fylkesmann Lodve Solholm fram ei tilråding om å justera grensene for fem område i fylket. Det skjer etter at innbyggjarane i dei fem områda har søkt om å få endra dei planlagde kommunegrensene, men fylkesmannen gjorde det klart at det har vore krevjande å koma fram til ei tilråding

– Arbeidet med grensejusteringa har vore mykje vanskelegare enn arbeidet med kommunereforma, sa Solholm då han starta pressekonferansen.

Han peikte på at det dreier seg om små forhold, bygd mot bygd, kommune mot kommune og at det har vore eit stort engasjement og offentleg debatt.

Etter ei grundig vurdering av søkjarane har fylkesmannen mellom anna landa på at øyane Sandøy, Ona, Orten, Husøy og Gåsøy blir overført til Aukra kommune og slepp og bli ein del av den nye storkommunen Ålesund.

Fylkesmannen går vidare inn for at Liabygda blir verande i Stranda kommune og ikkje blir ein del av den planlagde Fjord kommune. Det blir også rådd til at sunnmørsbygdene Eidsdal og Nordal blir ein del av Stranda kommune, medan Indre Gjemnes blir grensejustert til nye Molde kommune.

Fylkesmannen rår elles til at Bjørke og Viddal kommune blir grensejustert til nye Volda kommune.

– Det er den einaste saka der Fylkesmannen ikkje har lagt stor vekt på innbyggjarhøyringa, sa Solholm.

Han sa at tilrådingane no blir sende over til Kommunal- og moderniseringsdepartementet.

– Departementet har sagt at dei tek sikte på å avgjera grensejusteringane før sommaren, sa Solholm. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Google lovar nynorsk skriveprogram før skulestart

– Dette er ein stor siger for nynorskbrukarane og nynorskrørsla – og ein stor siger for regjeringa og stortingsfleirtalet som utfordra Google og andre...

Uroa for alle som skal læra nynorsk etter funn i ny undersøking

Over 23 prosent av rektorane i grunnskulen var ukjente med at det blir krav til at skriveprogram skal støtta både nynorsk og bokmål frå...

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...