Stortingsfleirtalet gir norske fylkesmenn i oppdrag å utarbeide nye kommunekart for sine fylke.
Det kjem fram i innstillinga frå kommunalkomiteen til kommuneproposisjonen som vart debattert i Stortinget tysdag.
– Vi meiner det er behov for eit klarare mandat for fylkesmenn når dei drøftar kommunesamanslåingar i sitt fylke, seier Helge André Njåstad (Frp), som er leiar i kommunalkomiteen.
Fylkesmennene skal legge fram forslag til ny kommunestruktur seinast hausten 2016.
Arbeidarpartiet, SV og Senterpartiet er ikkje med på forslaget. Dei foreslår å fjerne fristen for kommunale vedtak som er sett til 1. juli neste år. (©NPK)
