Heim Nyhende Gåvepakke til alle som er opptekne av litteraturformidling for born og unge

Gåvepakke til alle som er opptekne av litteraturformidling for born og unge

Seminarpakke om nynorsk barnelitteratur og formidling.

 

Torsdag 10. og fredag 11. november kan Falturiltu tilby ei retteleg gåvepakke til alle som er opptekne av litteraturformidling for born og unge, og her er litt for dei vaksne òg.

Det er høve til å delta ein eller begge dagar, programma står på eigne føter, og for dei som deltek begge dagar har me underhaldning på kveldstid i tillegg.

Toppar laget
Torsdagen kjem blant anna Ruth Lillegraven for å snakka med norsklektor og tidlegare barnebokredaktør Petra Helgesen om formidling av lyrikk for barn og ungdom.

Kristin Ørjasæter, direktør for Norsk Barnebokinstitutt, kjem og det same gjer festivalforfattar Bjørn Sortland.

Pål Brekke Indregard fortel om korleis metode og filosofiske samtalar med barn kan leggja grunnlaget for gode forfattarbesøk i skulen, og Foreningen Les! fortel om den nynorske leseaksjonen Tid for ti.

Seminaret er retta mot formidlarar av barnelitteratur, som lærarar, bibliotekarar og andre.

Les meir på http://www.falturiltu.no/seminar/

Barnehageseminar

Kvifor og korleis driva med språkstimulering og litteraturformidling i barnehagen i område der nynorsk er opplæringsmål i skulen? Det får du vita om du deltek på barnehagedagen under Falturiltu. Du får òg mange nyttige tips frå dei ni kommunane som har delteke på Nynorsksenteret sitt pilotprosjekt Nynorske lesefrø.

Forfattar Anna Rommetveit Folkestad kjem og Eli Bjørhusdal frå Høgskulen i Sogn og Fjordane snakkar om nynorsk i barnehagen.

Elisabeth Brekke Stangeland og Thomas Hammerø frå Lesesenteret i Stavanger fortel om språkløyper og me får forteljingar frå pilotkommunane. Mellom anna.

Og ikkje minst: du kan bli med på bursdagsfest for Pirion.

Seminara er eit samarbeid mellom Falturiltu, Høgskolen Stord/Haugesund, Nynorsksenteret, LNK, Framtida.no og Pirion.

Meld deg på seminara her!

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Ingvild Bryn får nynorskprisen for journalistar

Ingvild Bryn er for mange sjølve nynorskrøysta. Etter ei særs variert karriere i NRK kan ho no også smykke seg med tittelen som vinnar...

Lærarutdanningane må ta språkansvar

Lærarutdanningane skal utdanne lærarar for heile landet, og då må alle lærarstudentar, uavhengig av fag, rustast til å vere lærarar i nynorske klasserom. Lærarutdanningane er...

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...