Heim Nyhende 60 kommunar bør slåast saman med tvang

60 kommunar bør slåast saman med tvang

Fylkesmennene føreslår at 60 kommunar skal slåast saman med tvang til våren, viser ei ny oppteljing.

Kommunal Rapport har gjort ei oppteljing etter at alle fylkesmennene har gitt tilrådinga si til Kommunaldepartementet. Her kjem det fram at 60 kommunar blir føreslått slått saman, eller får ei sterk oppfordring om å skifte standpunkt før nyttår, sjølv om kommunen har sagt nei til samanslåing.

Halvparten av forslaga om tvang kjem i Akershus, Møre og Romsdal og Nordland.

I Hedmark, Oppland, Vestfold, Hordaland og Nord-Trøndelag er det ikkje føreslått nokon bruk av tvang.

I ein del av kommunane som no ifølgje fylkesmennene skal tvingast saman, ligg det føre intensjonsavtalar – som seinare har blitt stoppa.

Dei ulike forslaga inneber at det skal bli 321 kommunar frå 2020, langt fleire samanslåingar enn det som er vedteke frivillig. Regjeringa skal til våren legge fram proposisjonen sin om kommunestruktur. Deretter skal den behandlast i Stortinget.

– Talet på kommunar blir betrakteleg redusert dersom det blir tvang. Det blir spennande å sjå om regjeringa går vidare med råda når dei skal legge fram forslaget sitt for Stortinget, og i neste omgang kva Stortinget gjer, sa forskar Yngve Flo ved Uni Research Rokkansenteret til NTB måndag.

Det er ein politisk risiko for regjeringa å ta med anbefalingane om tvang vidare i prosessen, peikar han på. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...