Heim Nyhende Grønt lys for nynorsk nettbank

Grønt lys for nynorsk nettbank

 

Banksjef i Valle Sparebank, Vidar Homme, er ein av dei som har ønskt seg nynorsk nettbank. No ser det ut til å bli ei løysing.

Homme viser til at nynorske nettbankar er ei sak mange bankar har vore opptekne av lenge.

– Sparebanken i Valle har alltid brukt nynorsk. Me har ein spesiell dialekt, og det er heilt naturleg for oss å bruke nynorsk både på nettsider og i brev og anna materiell.

Snart på plass

Valle Sparebank er saman med 78 andre sparebankar ein del av Terra-gruppa. Bankane i Terra-gruppa er sjølvstendige, med eigne namn og profilar. Samstundes har dei ein del fellestenester, blant anna nettbank. Terra-gruppa er både eit finanskonsern og ein bankallianse som ynskjer å tilby tenester og produkt som er for kostnadskrevjande for den enkelte banken.

– Me er mange bankar på vestlandet, i Ryfylke og i Telemark som har etterlyst ein nynorsk versjon av desse nettbankane. No har me fått signal om at dette blir løyst i løpet av året, noko som er kjempebra.

– Kva betyr det for kundane å få nettbanken på nynorsk?

– Eg trur heilt ærleg at det for nokon ikkje har noko å bety, sidan det språklege medvitet er varierande. Men for andre er det viktig, meiner Vidar Homme. Han viser til at banken i Valle har fått fleire spørsmål om ikkje nettbanken bør kome på nynorsk. I tillegg har lokalavisa Setesdølen teke fatt i saka og laga eit oppslag som sette saka på dagsorden.

Siger for nynorsken

Han meiner nettbankar på nynorsk er ein siger for nynorsken.

– Det er eit verktøy dei aller fleste brukar jamleg, mange dagleg. Med dette er me på veg til å etablere nynorsk også som ein del av økonomispråket.

– Kvifor er ikkje dette gjort før?

– Det er eit godt spørsmål. Det kan sjølvsagt ha noko med kostnad å gjere. Det er dyrare å endre på eksisterande dataprogram enn å gjere endringane i startfasen. Nynorskbankane har også medverka gjennom omsetjing av tekstar frå bokmål til nynorsk i nettbankane for å få kostnaden ned.

Det har diverre ikkje lukkast LNK-avisa å få tak i talspersonar for Terra-gruppa.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...

Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett. – Dette er svært! Desse midlane skal vi bruke klokt i tett samarbeid...