Venstre-leiar Terje Breivik er ikkje fornøgd med sidemålspolitikken til Høgre. – Som å gjere algebra valfritt i matte, seier han.
Venstreleiaren seier i eit brev til Aftenposten at han reagerer på Høgre si nedprioritering av språkkunnskap og at dei ikkje verdset det å lære båe målformene. Han tar til orde for å starte sidemålsundervisninga enno tidlegare i skulen, og meiner båe målformene i større grad bør brukast i andre fag enn norsk.
Utdanningspolitisk talskvinne i Høgre, Elisabeth Aspaker, har tidlegare uttalt til Aftenposten at partiet vil ha ei styrking av framandspråka i staden for norske dialektar. Utanfor dei norske grensene er det ikkje mange som snakkar norsk og det trengst heller auka kunnskapar i språk som tysk, spansk og fransk, seier ho.
Breivik likar ikkje det han høyrer og håper no at Høgre vil snu. – Eg håper og trur at landsmøtet til Høgre vi besinne seg og innser at nynorsken må styrkast og ikkje svekkjast, seier han til Aftenposten i dag.
