Heim Nyhende – Grunnlova er ei gullgruve for språkopplæringa

– Grunnlova er ei gullgruve for språkopplæringa

Nynorsksenteret har laga til eit nytt opplegg for språkopplæring.

– Dei to språkversjonane av Grunnlova er ei gullgruve for språkopplæringa på ungdomssteget og vidaregåande, seier Gudrin Kløve Juuhl. Ho er rådgjevar ved Nasjonalt senter for nynorsk i opplæringa, og har saman med kollega Ingrid Slettevoll laga undervisingsopplegget med utgangspunkt i Grunnlova.

LES OGSÅ: Nynorsk grunnlov eitt år!

Ho seier at det er fleire grunnar til at dei har laga dette opplegget:

 – Ein ser at det er eit kompetansemål i læreplanen i norsk etter tiande steg at elevane skal bruka grammatiske omgrep til å samanlikna nynorsk og bokmål. Og så er jo Grunnlova ein svært viktig tekst som finst på både bokmål og nynorsk, og difor er godt eigna til slikt arbeid. Etter revisjonen av læreplanen i 2013 er det vorte lagt meir vekt på grammatikk og kunnskap om språk på alle skuletrinn, og sidan det er litt nytt, så er det kanskje kjekt for lærarar å sjå opplegg som ein kan lata seg inspirera av.

– Har de fått reaksjonar på oppgåvene?

– Så langt er tilbakemeldinga at dette er spennande, men me har ikkje fått tilbakemeldingar om korleis opplegget har vore i bruk enno. Men det er me svært interesserte i!

– Er du redd for at elevane kan læra seg dårlegare bokmål av å lesa Grunnlova på bokmål?

– Nei. Om elevane les Grunnlova på bokmål, så kjem det til å vera ein bitteliten del av alt bokmålet dei les, og sannsynlegvis ikkje noko som kjem til å vera eit sentralt førebilete for dei når dei skriv.

Sjekk ut undervisingsopplegget her!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...