Heim Nyhende Gunhild Berge Stang blir statssekretær for Abid Raja

Gunhild Berge Stang blir statssekretær for Abid Raja

Fylkestingspolitikar i Vestland Gunhild Berge Stang (V) hadde denne veka første arbeidsdag som statssekretær for kultur- og likestillingsminister Abid Raja (V).

– Den første dagen har vore rimeleg hektisk. Det har rett og slett gått i eitt, seier Stang, som i løpet av første arbeidsdag likevel fann nokre ledige minutt til eit intervju.

Stang fortel at ho som statssekretær i Kultur- og likestillingsdepartementet får arbeide med eit felt som står ho nær.

Draumesituasjon

– Eg har i heile mitt yrkesaktive liv jobba i kultursektoren før eg vart heiltidspolitikar i 2015. Det er heilt klart denne sektoren eg føler meg mest heime i, seier Stang til Nynorsk pressekontor.

– Å få jobbe med kulturpolitikk på nasjonalt nivå er ein draumesituasjon når ein er så interessert i det, legg ho til.

Fylkespolitikar

Stang vart vald til ordførar i Fjaler kommune i 2015, eit verv ho hadde fram til kommunevalet i 2019. Den siste tida har ho arbeid i fylkespolitikken. Ho var Vestland Venstre sin fylkesordførarkandidat og har sete som fylkestingsrepresentant i Vestland.

Før ho vart heiltidspolitikar, arbeidde ho blant anna som kultursjef i Bremanger.

Kultur og frivillig innsats

Stang kan fortelje at også den frivillige delen av kulturlivet har vore viktig for ho. No gler ho seg til å arbeide side om side med Abid Raja.

– Eg er veldig takknemleg for denne moglegheita. Kultur og frivillig innsats er noko eg verkeleg er oppteken av og har erfaring frå, blant anna frå Noregs Ungdomslag og målrørsla.

Gunhild Berge Stang er utdanna arkeolog og er busett i Dale i Fjaler. Dermed må ho belage seg på ein pendlarkvardag framover.

– Det blir nok ein del pendling framover, heimstaden skal framleis vere Fjaler, forsikrar ho. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...