Heim Nyhende – Regionreforma er blitt endå meir svekt

– Regionreforma er blitt endå meir svekt

At kultursektoren blir fjerna frå regionreforma, betyr ei svekking av ei reform som var svak frå før, meiner KS.

– Heile grunnlaget og grunngjevinga for regionreforma var at nye og større oppgåver skapte behov for større fylkeskommunar. Kulturfeltet var eitt av områda der større fylkeskommunar skulle overta nye oppgåver. Eg skulle verkeleg ønske at handlekrafta var like sterk på oppgåveoverføring, som skulle vere det viktigaste i reforma, som den har vore på struktur, seier styreleiar i KS, Bjørn Arild Gram, i ei pressemelding.

Han viser til at det samla sett er svært avgrensa oppgåver som er overført til dei nye fylkeskommunane. Viss ikkje regjeringa og Stortinget følgjer opp med nye, vesentlege oppgåver, vil det som står igjen av reforma vere større fylke med omtrent dei same oppgåvene som før. Dette vil svekkje legitimiteten til reforma, ifølgje Gram.

– Denne delen av reforma kom skeivt ut frå starten, derfor er vi i og for seg ikkje overraska over korleis den enda. Vi har sakna ei meir prinsipiell og overordna tilnærming til dette frå departementet. Finansieringa av kulturinstitusjonane har historisk vore fragmentert og ulik frå institusjon til institusjon og frå fylke til fylke. No hadde regjeringa ei moglegheit til å rydde opp i dette, den moglegheita har ho ikkje brukt, seier Gram.

Stortinget har vedtatt å styrkje rolla til fylka på kulturfeltet. KS-leiaren meiner det no er ekstra viktig for kulturministeren å vere tydeleg på korleis han skal oppfylle dette vedtaket.

– Dette har fylkeskommunane og KS klare forventningar til. Kulturfeltet er for eksempel hardt ramma av koronakrisa, og fylka kan spele ei avgjerande rolle i å gjenreise kulturfeltet. Det krev likevel at rolla til fylka blir styrkt på kulturfeltet, seier Bjørn Arild Gram. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...