Folkebiblioteka her i landet blir brukt av rundt halvparten av oss, viser ei fersk undersøking.
I undersøkinga som Sentio har gjort på oppdrag for Nationen, svarar 44 prosent at dei brukar biblioteket der dei bur, og at dei er godt nøgde. 5 prosent seier dei er middels nøgde med biblioteket dei brukar, medan 1 prosent brukar biblioteket, men er lite nøgde med tilbodet. 49 prosent svarar at dei ikkje brukar biblioteket.
Det er til saman 735 folkebibliotek og bibliotekfilialar i Noreg. Mange av dei vil forsvinne dersom regjeringas kommunereform blir gjennomført, fryktar leiar Mariann Schjeide i Norsk bibliotekarforeining og Senterpartiets parlamentariske leiar Marit Arnstad.
Alle kommunar er etter kommunelova pålagt å ha eit folkebibliotek, men dersom talet på kommunar blir redusert vil mange bli nedlagt, fryktar Arnstad og Schjeide. (©NPK)
LES OGSÅ: Her låner dei flest bøker
