Heim Nyhende Håpar fleire vil visa fram nynorske bøker

Håpar fleire vil visa fram nynorske bøker

Forfattarar meiner bokhandlarar kan bli betre på formidling av nynorsk barnelitteratur. – Eg håpar   endå fleire bokhandlarar vil visa fram nynorske bøker, seier Tone Vaka ved Norli Stord.

 

Viss du gjekk innom ein av bokhandlarane på Stord sist veke, så var det ikkje så lett å merka at det samstundes var Noregs største barnebokfestival på øya med 5700 publikummarar.

Ein av festivalforfattarane, Ingunn Røyset, gav beskjed.

– Eg synest det var veldig kjekt å vera på Falturiltu. Eg hadde fleire opplesingar, både for unge og eldre, og fekk gode tilbakemeldingar. Mange likte bøkene, og på eitt bibliotek blei det stor rift om å få låna det einaste eksemplaret dei hadde.

Fleire hadde òg lyst til å kjøpa bøkene, men fleire av bokhandlarane mangla bøkene hennar.

– Det er litt synd at når ein vekkjer leselyst med ein festival som Falturiltu, så er det ikkje så lett å få tak i bøkene i bokhandel. Det hadde vore eit gyllent høve for bokhandlarane til å visa fram nynorske barnebøker, seier ho.

Roald Kaldestad, leiar av Falturiltu og barnebokforfattar, synest òg bokhandlarane kunne vore meir offensive. Han skulle òg ønskt seg at dei stilte på arrangementa til Falturiltu for å selja bøker.

LES OGSÅ: Heller lågkarbo enn nynorsk

– Betre med tilgjeving enn tillating
Tone Vaka ved Norli Stord fekk besøk av Ingunn Røyset og bestemte seg for å markera verdas einaste nynorske barnebokfestival med eit eige bord med nynorske bøker.

– Det er triveleg når forfattarar tar seg tid til å koma innom, seier ho.

Fleire klager over at sentralstyrte kjeder gjer det vanskelegare å visa fram nynorske bøker. Tone Vaka har tatt saka i eigne hender og har no bestilt ein eigen reol for nynorske bøker.

– Det er betre å få tilgjeving enn tillating, seier ho.

Ho ønskjer å visa støtte til Falturiltu og nynorsken.

– Dei andre bokhandlarane må gjera som dei vil, men eg vil oppmoda dei om å støtta opp under Falturiltu og den nynorske litteraturen, seier ho.

LES OGSÅ: – Bokkjedene bestemmer meir

Større etterspurnad
På Ark Stord markerte dei Falturiltu med eit halvt bord med bøker frå forfattarar på festivalen.

Dagleg leiar for Ark Stord og Ark Heiane, Janeth Båtsvik, hadde òg tinga fleire bøker frå festivalforfattarane.

Både Ark og Norli fortel om auka etterspurnad etter nynorske barnebøker under Falturiltu.

– Kva seier du til dei som seier at det ikkje er så mange nynorske bøker å velja mellom?

– Det er veldig mange nynorske barnebøker, og folk spør etter dei òg, seier Båtsvik.

– Kva tenkjer du om de har eit ansvar for å fremja nynorsk litteratur i ein nynorskkommune som Stord?

– Eg føler me har eit eige ansvar for nynorsken. Eg synest sjølv det er eit fint språk, avsluttar bokhandlaren.

LES OGSÅ: Suksess for bokhandel-stunt

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Oslo kommune har to nynorskelevar i grunnskulen – får 11 millionar til språkdelte klassar på ungdomstrinnet

Mållaget er fortvila over at pengane til å sikra nynorskelevar i randsonene vert fordelt på alle kommunar. Saka vart først publisert på Framtida.no. Om foreldra til...