Heim Nyhende Hardanger-opprøret stilnar

Hardanger-opprøret stilnar

Opprøret mot høgspentmaster i Hardanger kan vera i ferd med å leggja seg.

Sentrale ordførarar seier til NRK at dei ikkje lenger vil oppmoda til sivil ulydnad, sjølv om det blir master og ikkje sjøkabel.

Ap-ordførar i Granvin, Jan Ivar Rødland, og Venstre-ordførar Mona Hellesnes i Ulvik seier at dei vil respektera tilrådingane til dei fire regjeringsoppnemnde utvala. Dei to kommunane har vore sterkt engasjerte i striden om høgspentmaster på strekninga Samnanger-Sima.

– Eg har full tiltru til at utvala gjer ein grundig jobb. Viss det viser seg at det teknisk sett blir umogleg med sjøkabel, vil vi respektera det, seier Hellesnes til NRK.

Utvala skal leggja fram rapportane sine til olje- og energiminister Terje Riis-Johansen (Sp) 1. februar.

NRK presenterte torsdag ei ny meiningsmåling som viser at 66 prosent av dei spurte seier at master er ei akseptabel løysing. Målinga blei gjort i desember og viser ein auke frå 55 prosent i månaden før.

Mykje tyder på at den strenge kulden også denne vinteren og nye spekulasjonar om straumrasjonering har medverka til den veksande aksepten i befolkninga.

Statnett har heile tida meint at sjøkabel både blir for dyrt og for komplisert og at dette alternativt vil forlengja den usikre forsyningssituasjonen med fem-seks år. (NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...