Etter fem år med utgreiing og vurdering har Tine bestemt seg for å halde på produksjonen av raudosten i Ørsta, Skjåk og Lom.
Så seint som i fjor fekk leiinga i Tine lagt føre seg ein rapport som synte at det var mest lønsamt å produsere osten på Storsteinnes, Elnesvågen og Byrkjelo og å avvikle produksjonen i Lom og Skjåk og i Ørsta. I løpet av hausten har folk engasjert seg i saka, og ei Facebook-gruppe med namnet La G35 leve har greidd å få 51 000 følgjarar. Kjendiskokk Arne Brimi har òg involvert seg, og etter at det vart kjent at osteproduksjonen får halde fram i Skjåk og Lom, seier han til lokalavisa Fjuken:
– Eg er tulle glad. Glad for at vi kan vinne ein kamp oppi her òg. Kampen for identitet og gode produkt.
