Heim Nyhende Historisk eksamenspris blir til skrivekonkurranse for ungdom

Historisk eksamenspris blir til skrivekonkurranse for ungdom

Fridthiov Oos’ pris har blitt delt ut i over 100 år, og går normalt til dei beste eksamenssvara i nynorsk. Men på grunn av koronaen blir prisen no erstatta av ein nasjonal skrivekonkurranse.

Elevar under 20 år over heile landet er no inviterte til å skriva om språk i den nye skrivekonkurransen i regi av Framtida.no, Magasinett og Fridthiov Oos’ legat.

Edmund Austigard er forlagsdirektør ved Det Norske Samlaget. Foto: Samlaget
Edmund Austigard er forlagsdirektør ved Det Norske Samlaget. Foto: Samlaget

– På grunn av koronaen blei det ingen norskeksamen i fjor vår på vidaregåande. Og derfor ingen eksamenssvar å juryera. No inviterer me til skrivekonkurranse og premierer dei tre beste svara i anda til Fridthiov Oos’ legat, seier direktør i Det Norske Samlaget, Edmund Austigard.

Fridthiov Oos’ legat er forvalta av Samlaget.

Prominente prisvinnarar

Mellom tidlegare vinnarar av Fridthiov Oos’ pris er tidlegare NRK-sjef Einar Førde, nobelprisvinnar og superforskar Edvard Moser og Ottar Grepstad. Mellom prisvinnarane er det også fleire forfattarar.

– Som forlag leitar me alltid etter unge som har lyst til å skriva. Heng deg med, så kan det henda at du også endar opp med å skriva bok på Samlaget. Og har du ikkje lyst til å vera med, men likevel ambisjonar om å skriva, så ver ikkje redd for å kontakta Samlaget. Det kan vera langt fram og mange år til eit ferdig manus, men ein stad må ein starta, seier Austigard.

SJÅ DEI BESTE EKSAMENSSVARA FRÅ DEI SISTE ÅRA HER!

Ønskjer debatt om språk

Dei tre vinnarane av skrivekonkurransen får 5000 kroner kvar i premie. Elevane får tre oppgåver å velja mellom.

Her kan deltakarane velja mellom å skriva om kva nynorskroboten kan ha å seia for framtida til nynorsken, kva som må gjerast for å ta vare på dei språklege rettane til mindretalet eller skriva om endringar i dialektmangfaldet.

– Framtida.no ønskjer å vera ein viktig debattarena for unge, og eg håpar mange unge blir med på skrivekonkurransen vår, seier redaktør i Framtida.no, Svein Olav B. Langåker. I fjor sette nyhende- og debattavisa for unge rekord i talet på bidrag i skrivekonkurransar og publiserte også rekordmange debattinnlegg.

Sjå oppgåvene i skrivekonkurransen her!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...

Programmet til landstinget til LNK i Sogndal 1.-2. juni 2023

Landssamanslutninga av nynorskkommunar ønskjer velkommen til landsting i Sogndal 1.-2. juni på Quality Hotel Sogndal. Landstinget til LNK blir arrangert annakvart år, og er ein...

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...