Heim Nyhende Hundreåring inviterer til bursdagsfest

Hundreåring inviterer til bursdagsfest

Det Norske Teatret fyller 100 år i år, og det skal feirast. Søndag 6. oktober inviterer teatret til ope hus, framsyningar, omvisingar og eige kostymesal.

 

Både konge og kvarmann er invitert når Det Norske Teatret i Oslo i år jubilerer. Søndag 6. oktober blir det folkefest i og rundt teateret.

Kjøp kostyme med heim
Til den offisielle opninga blir det framført ein eigen jubileumsprolog, skriven av Jon Fosse. Ein nykomponert fanfare blir også spelt.

For dei som er interesserte i det som skjer utanfor og bak scena, inviterer teateret til guida omvisingar. Har ein tidlegare sett eit flott kostyme ein likar, kan ein kanskje finne det att i teatret sitt eige kostymesal. Dei minste kan få prøve teatermåling.

Byr på festframsyningar
På scenene til teatret blir det festframsyningar gjennom heile dagen. Framsyningane skal vise att både musikkteatret, barneteatret og det moderne teatret Det Norske Teatret. På dei ulike scenene kan ein oppleve smakebitar frå mellom anna Les Misérables, Bør Børson, Peter Pan og Pippi Langstrømpe.

I høve jubileet er det også laga eit eige frimerke ein kan få stempla, og historieforfattar Alfred Fidjestøl kåserer om teatret. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...