Heim Nyhende Ikkje nok nynorsk i NRK

Ikkje nok nynorsk i NRK

NRK innfrir ikkje kravet til at minst 25 prosent av innhaldet på TV og i radio skal vere på nynorsk. Det slår Medietilsynet fast etter å ha vurdert NRK sin årsrapport for 2009.

I NRK sine vedtekter heiter det at NRK sitt tilbod skal vere hovudsakleg på norsk, at båe målformene skal nyttast og at minst 25 prosent av innhaldet skal vere på nynorsk. Tal frå NRK syner at P1 har 26 prosent nynorsk, P3 har 24 prosent og P2 har 23 prosent nynorsk.  For TV gjeld desse tala: NRK1 har 24 prosent, NRK2 17 prosent, NRK3 og NRKSuper har høvesvis 17 og 16 prosent. Samstundes peiker NRK på at nynorsk og dialekt er prioritert i dubbing av serier for barn.

Medietilsynet viser til at den totale bruken av nynorsk i NRK har auka i 2009, men det er framleis for lite. Berre P1 klarer å oppfylle krava om minst 25 prosent nynorsk. Vidare peiker tilsynet på at 25 prosent-regelen gjeld på alle NRK sine plattformar, slik at også innhaldet på internett er underlagt dette kravet. Per i dag finst ikkje statistikk for bruk av nynorsk på nrk.no.

NRK får elles ros for å ha god distriktssatsing og for å ha mange program på norsk. Mellom anna er 80 prosent av innhaldet på barnekanalen NRKSuper på norsk.

Meir om rapporten kan du lese hjå Medietilsynet.

Førre artikkelVil byte ut nynorsk
Neste artikkelVil fordele makta

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...