16-åringar får ikkje røysterett ved stortingsval.
Stortinget stemde torsdag ned eit grunnlovsforslag frå Venstre og Sosialistisk Venstreparti om å setja ned røysterettsalderen. Vedtaket blei gjort med 130 mot 12 stemmer.
Den viktigaste grunnen til fleirtalet for å stemma ned forslaget var formell: I Noreg er det hevdvunnen skikk at røysterettsalderen følgjer myndigalder som i dag er 18 år. I 1978 blei røysteretten sett ned frå 20 til 18 år.
Leiar i Venstre, Trine Skei Grande, sa i debatten at 16-åringar i dag er kompetente og har kunnskapar nok til å røysta.
Mindretalet viste også til erfaringar frå land som har sett ned røysterettsalderen til 16 år. 16-åringane har høgare valdeltaking enn eldre veljarar, og røysterettsalderen blei raskt akseptert som normalt. (NPK)
