Forslaget om eit prøveprosjekt kor skriftleg sidemål blir gjort valfritt i ungdomssskulen vart avvist i Stavanger bystyre i går.
Det var Frp som kom med forslaget i ein interpellasjon til bystyret måndag kveld, men forslaget var avvist av 27 av dei 67 representantane, melder Stavanger Aftenblad. Ved interpellasjonsforslag er det nok at ein tredel av representantane avviser forslaget for at det skal falle.
Høgre har allereie vedteke at dei vil gå for ei slik prøveordning i neste kommunestyreperiode, og Frp meinte no at det ikkje var nokon grunn til å vente.
