Heim Nyhende Inkluderande bibliotek

Inkluderande bibliotek

Lånetala til biblioteka går ned, medan det kjem fleire besøkande enn før. I eit stadig meir multikulturelt samfunn er biblioteka viktigare enn nokon gong, meiner forskar.

– På biblioteka er ingen lege, arbeidsledig, romanforfattar, pasient eller klient. På biblioteket er alle bibliotekbrukarar, seier Svanhild Aabø, som er professor i bibliotek- og informasjonsvitskap ved Høgskolen i Oslo og Akershus, til Forskning.no.

– Biblioteka har blitt ein mangfoldig møtestad. Det er få offentlege arenaer som har så stor variasjon av besøkande frå lokalmiljøet, held ho fram.

Fleirtalet av bibliotekbrukarane, 56 prosent, låner ingenting, men bruker biblioteka på andre måtar, viser undersøkingar.

– Folk føler at biblioteka tilhøyrer dei. Også asylsøkjarane ser på bibiloteket som ein stad dei har rett til å vere. Vi trur at folkebiblioteka kan fange opp folk som er i ferd med å bli marginalisert. Desse kvalitetane ved biblioteket bidrar til sosial inkludering, meiner Aabø.

– Det er positivt at asylsøkjarar og arbeidsledige kan bruke dagen på ein meiningsfull stad som biblioteket, ein stad for kunnskap og læring, seier ho, og legg til at det er mange suksesshistorier om folk som har kome innanfor biblioteket og vidare inn i nytt arbeid.

– Det er samfunnsmesig lønsamt å satse på biblioteket, sluttar ho.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...