Heim Nyhende Innvandring reddar øysamfunn

Innvandring reddar øysamfunn

Solund kommune kan takke innvandrarar for at klasseromma og arbeidsplassane ikkje står tomme.

 

Folketalet i øykommunen i Sogn og Fjordane er i fritt fall, men innvandring er med på å bremse utviklinga. Det siste tiåret har talet på utanlandske tilflyttarar til kommunen firedobla seg, frå 19 til 82, skriv Bergens Tidende.

– Vi gler oss over all tilflytting til Solund, også dei som kjem frå utlandet, seier ordførar Ole Gunnar Krakhellen (H) til avisa.

Han fortel at tilflyttinga har gjort Solund til eit rikare samfunn. Sjølv brukar han konsekvent ikkje ordet innvandring, då han synest det er for negativt.

Utan innvandrarar ville det sett dystert ut for Solund. I fjor vart det født berre tre barn i kommunen. For kvar fødsel sender ordføraren eit personleg brev og gåvekort på 1000 kroner til foreldra.

Ordførar Ole Gunnar Krakhellen er open om at kommunen ville ha slite utan arbeidsinnvandringa frå EØS-land.

– Det er eit faktum at vi må ut av landet for å finne arbeidskraft. Verda har kome nærmare på Solund. Det trur eg ikkje er negativt, seier Krakhellen. (©NPK)

Les òg intervju med Noregs yngste ordførar Ole Gunnar Krakhellen i Framtida.no!

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...