Heim Nyhende Inspirert av digitale Estland

Inspirert av digitale Estland

Estland ligg langt framme på digitalisering av offentlege tenester. – Dei arbeider systematisk med digitale tenester og er samstundes opptekne av personvern, seier kommunal- og moderniseringsminister Jan Tore Sanner.

 

Måndag besøkte han hovudstaden Tallinn i Estland og målet for turen var å lære meir om Estland sitt arbeid med digitalisering av samfunnet.

Etter at landet blei sjølvstendig i 1991, tok estarane tidleg ei avgjersle om å vere eit digitalt føregangssamfunn. Dei bygde offentlege system nærast frå grunnen av. Dermed kunne dei bygge system både i det offentlege og private som la til rette for digitale løysingar. Elektroniske id-kort og mobil-id er grunnlag for dei digitale tenestene.

– Medan Estland fekk ein ”restart”, er utfordringa i Noreg at vi stor grad har gamle system som vi må få til å snakke saman digitalt , seier Sanner.

Han var spesielt oppteken av spørsmål rundt personvern og digital kompetanse under besøket. Alle politibilar i Estland har dataløysingar der dei enkelt kan søkje opp bilar eller personar. Dette fekk statsråden demonstrert i ein politibil i Tallinn.

– Alle slike søk blir registrerte, og alle innbyggjarar får informasjon om slike søk. Lurar dei på kvifor politiet har søkt dei opp, kan dei sende ein epost til politiet og få svar i løpet av tre til fem dagar. Prinsippet er at alle eig informasjonen om seg sjølv, seier statsråden.

Sanner var også i samtale med presidenten i Estland, Toomas Hendrik Ilves. Iilves er sjølv ein ivrig pådrivar i arbeidet med digitalisering i landet.

Statsråden besøkte to skular på reisa si. Han møtte ivrige skuleelevar ved Gustav Adfoi Gümnaasium og såg korleis e-læring fungerte hos dei. På Tallinna reaalkool, ein skule som satsar spesielt på realfag, møtte han elevar som konkurrerer internasjonalt med eigenprogrammerte robotar.

E-læring: Estiske fjerdeklassingar fortel statsråd Jan Tore Sanner om sin digitale kvardag.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...