Alle barneskulane i landet blir no inviterte til å vera med på det som skal bli den største leseaksjonen i Noreg nokon gong.
Aksjonen byggjer på liknande aksjonar som bokhandlarkjeda Nordli og sju forlag gjennomførte i skulen frå 2004–2008. Men denne gongen er det langt fleire som står bak. Både skular, bibliotek, Foreningen les, Forleggerforeningen og Bokhandlerforeningen samarbeider om det som tek mål av seg til å bli den største og fremste leselystaksjonen for barn i Noreg.
Den positive lesegleda er det viktigaste med aksjonen. Målet er å fremja boka og lesegleda. Det er venta stor oppslutnad. Ved tidlegare leseaksjonar har opp til 80 prosent av elevane på 1.– 7. trinn vore med.
Leselystaksjonen 2010 startar 17. september, men invitasjonen blir sende ut i midten av mai. (NPK)
