Kommunestyra i Lindås, Radøy og Meland har gjord vedtak om at dei tre skal slå seg saman til ein storkommune i Nordhordland.
Eit samrøystes kommunestyre i Lindås sa ja til å slå kommunen saman med Meland og Radøy. Også kommunestyret i Radøy har sagt ja. Her stemte fem representantar mot vedtaket. I Meland stemte 19 for kommunesamanslåing, medan åtte stemte imot.
Den nye storkommunen vil få opp mot 30.000 innbyggjarar.
Ingen storkommune i Valdres
Tysdag bestemte kommunestyra i fem av seks valdreskommunar seg for framtidig kommunestruktur. Det blei nei til storkommune.
Berre Nord-Aurdal stemte for ein storkommune. Både Øystre Slidre, Vestre Slidre, Sør-Aurdal og Etnedal vel å halde fram som eigen kommune, fortel NRK. (©NPK)
