Jærmuseet har meldt seg inn i LNK. – Vi ønskjer med dette å styrke banda til nynorskrelaterte tiltak, seier museumsdirektør Målfrid Snørteland.
Jærmuseet er den overordna organisasjonen for Nasjonalt Garborgsenter som skal opne i 2011, og Snørteland seier det først og fremst er for Garborgsenteret det er viktig å ha ein forankring i nynorskmiljøet. Men også mulegheita for deltaking i aktuelle prosjekt, som til dømes Diktarvegen, gjer at museet no har vald å bli medlem i LNK.
Jærmuseet er eit regionalt vitensenter for Sørvestlandet og regionmuseum for kommunane Randaberg, Sola, Sandnes, Gjesdal, Klepp, Time og Hå. Museet er også ein del av Kystmuseet. Jærmuseet har i år blitt kåra til Årets museum og fått den europeiske prisen Micheletti Award 2009 for beste teknologiske museum.
