Heim Nyhende Jølstring ny leiar i Norsk Målungdom

Jølstring ny leiar i Norsk Målungdom

– No skal vi få meir nynorsk der folk les mest – i nettavisene! Det er hovudbodskapen til nyvald leiar i Norsk Målungdom, Janne Nygård.

Janne Nygård er 20 år, kjem frå Jølster i Sogn og Fjordane og vart i helga vald til leiar i Norsk Målungdom på det 49. landsmøtet til organisasjonen. Bror-Magnus Sviland Strand (20) frå Sandnes vart vald til nestleiar. Tone Rossow (21) frå Asker i Akershus er vald til dagleg leiar.

– Den største utfordinga vert å opne for nynorsk i rikspressa. Det er viktig at ungdom møter nynorsk andre stader enn på skulen, og vi les nyheiter på nettet og ikkje på papir. Norsk Målungdom skal gjennomføre ein kampanje for å opne for nynorsk i dei største nettavisene. Eg vil lese oppdateringane frå fotball-VM og Melodi Grand Prix på nynorsk, seier Nygård.

Dei siste tre åra har Norsk Målungdom hatt leiarar frå Oslo, og ein stor del av medlemsmassen til organisasjonen kjem frå bokmålsområde. No vil den nyvalde leiaren ha med seg fleire frå nynorskområda.

– Eg er stolt over å kunne representere nynorskbrukande ungdom, og håpar at fleire frå dei nynorske kjerneområda vil engasjere seg i organisasjonen. Dei som er vande med å sjå nynorsk rundt seg er mindre engasjerte enn folk som har bytt til nynorsk, eller flytta vekk frå nynorskområde. Det vert lettare for alle å bruke nynorsk om fleire engasjerer seg for språket, seier Nygård. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...