Heim Nyhende Jubileumsforfattar: Kulturrådet for tru mot staten

Jubileumsforfattar: Kulturrådet for tru mot staten

Kulturrådet gir 766 millionar kroner til ulike kulturformål kvart år. Rådet skal vere sjølvstendig, men lar politikarane styre pengesekken, meiner forfattar av jubileumsbok.

 

Verken offentlegheita eller politikarane sjølv veit kva Kulturrådet skal vere, meiner Alfred Fidjestøl, som i førre veke kom med boka «Eit eige rom» om Norsk kulturråds første 50 år.

Kulturrådet er underlagt Kulturdepartementet, og kor sjølvstendig det skal vere og kor stor avstand det skal ha frå Stortinget, har vore diskutert sidan rådet vart oppretta. Fidjestøl meiner at verken offentlegheita eller politikarane sjølv veit kva Kulturrådet skal vere, skriv Aftenposten.

– Det er tydelegvis vanskeleg å forstå denne fordelinga av arbeidsoppgåver heilt til topps i norsk kulturliv, også blant politikarane, seier Fidjestøl til avisa.

Han meiner at leiinga i Kulturrådet må stå opp for å verne om autonomien sin.

– Dei må i større grad konfrontere politikarane når autonomiprinsippet blir tråkka på, dei må seie høgare frå, seier han.

I jubileumsboka skriv Fidjestøl at Norsk kulturråd i dag, under leiing av Yngve Slettholm og Anne Aasheim, er blitt eit lojalt organ i statens teneste, og at dei er altfor lydhøyre overfor føringar frå regjeringa om korleis rådet skal disponere midlane i Kulturfondet.

Vibeke Mohr, fungerande direktør i Kulturrådet, er avvisande til at Kulturrådet er for tru mot staten.

– Fagadministrasjonen vår har Kulturdepartementet som arbeidsgjevar og må alltid lytte til beskjedar derfrå. Men dei som sit i råd og fagutval er framleis fullstendig autonome, seier ho til Aftenposten. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...