Heim Nyhende Jublar over ny språkpolitikk i Unge Venstre

Jublar over ny språkpolitikk i Unge Venstre

Målungdommen gjev Unge Venstre ros for nye språkvedtak på landsmøtet i helga.

 

Unge Venstre vedtok i helga å støtta språkdelte kommunar, sikra nynorsk i lærarutdanningane og styrkja posisjonen til dei nasjonale minoritetsspråka.

– Det er heilt strålande at Unge Venstre har vedteke desse språktiltaka, og det er stas å sjå at Unge Venstre tek språk på alvor og er tydelege i standpunkta sine. Me treng fleire på laget for å betre vilkåra for brukarane av mindretalsspråka, og me i Norsk Målungdom er glade for at Unge Venstre med sin gode språkpolitikk syner at tiltak som vil ha stor effekt ikkje er umogelege å gjennomføre, seier Synnøve Marie Sætre, leiar i Norsk Målungdom.

LES OGSÅ: Unge Venstre vil halda på eigen karakter i sidemål

Går for Odda-modellen
Unge Venstre vil at retten til elevane til undervising på hovudmål vert utvida frå å berre gjelda dei sju første åra på grunnskulen til å gjelda ut ungdomsskulen, slik det blir gjort i Odda. Kommunar i språkdelte område skal få støtte til å gjennomføra heilt eller delvis språkdelt undervising.

– Det er hovudmålet til elevane, ikkje undervisingspersonalet, som skal styra val av undervisingspråk på ungdomskulane, heiter det i vedtaket på landsmøtet.

– Ei slik nasjonal ordning vil vere eit lyft for nynorsk som hovudmål. Det er eit tiltak som gjev tydelege resultat der det er i bruk, og noko som sikrar trygge og stødige nynorskbrukarar, seier Synnøve Marie Sætre i Målungdommen.

QUIZ: Kva veit du om Ivar Aasen?

– Avgjerande
Unge Venstre vedtok òg at lærarutdanningane skal skal rusta studentane til å undervisa i nynorsk og bokmål, både som hovudmål og sidemål. Nøkkelen til godt læringsutbytte i språkfag, er språkmektige lærarar.

– Meir nynorsk i lærarutdanningane er heilt avgjerande for å sikre god undervisning i nynorsk både som hovudmål og sidemål. Mange lærarstudentar går i dag ut av lærarutdanninga utan og meistre nynorsk, og dette går utover kvaliteten på opplæringa elevane får. Dette skaper ein vond sirkel som må løysast opp, og meir nynorskopplæring i lærarutdanninga er heilt naudsynt, understrekar Synnøve Marie Sætre.

Før stortingsvalet i 2013 undersøkte Norsk Målungdomm partiprogramma. Sjå kva parti som hadde flest smilefjes for språkpolitikken i 2013!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...