Heim Nyhende Det Norske Teatret + Stein Torleif Bjella = sant

Det Norske Teatret + Stein Torleif Bjella = sant

Til våren vert det teater basert på musikken til Stein Torleif Bjella.

 

Det Norske Teatret sleppte onsdag heile repertoaret for vårsesongen.

Heile ni av tolv produksjonar er norske urpremierar. Blant anna blir det teater basert på songar av Stein Torleif Bjella.

– At tekstane og musikken til Stein Torleif Bjella blir til teater er ei hending vi gler oss stort til, seier teatersjef Erik Ulfsby.

«Kan nokon gripe inn» er tittelen på framsyninga, der Lasse Kolsrud står for både manus og regi. Stykket skal visast på hovudscena.

Gjendikting av Fosse
Ulfsby har spesielt store forventningar til Jon Fosse si gjendikting av «Edda».

– Dette er ei framsyning vi trur vil vekke oppsikt internasjonalt. Ein av dei fremste dramatikarane i verda, Jon Fosse, ein av dei fremste regissørane i verda, Robert Wilson, og ein av dei store komponistane i samtida, Arvo Pärt, går saman om å løfte fram den mytologiske fortida vår, seier Ulfsby til NTB.

Det er 12 år sidan sist Robert Wilson sette opp «Peer Gynt» på Det Norske, ei framsyning det framleis blir snakka om. «Edda» får urpremiere på hovudscena 4. mars.

Fra prøvene på “Edda”, som er vårens storsatsing på Det Norske Teatret. I forgrunnen Gjertrud Jynge. Foto: Inga Aleknaviciute/Det Norske Teatret.

Tredje og siste urpremiere på hovudscena til våren blir «11 år» av parhestane Toril Goksøyr og Camilla Martens. Publikum blir plasserte på fire meter høge stillas der dei kan kike ned i ein skulegard med klatrestativ, husker og sittegrupper. Ved hjelp av øyretelefonar kan dei samtidig følgje dialogen i eitt av klasseromma på skulen.   

Meir Beckett
På dei mindre scenene blir det blant anna teater basert på Brit Bildøens kritikarroste bok «Sju dagar i august», der sorga etter 22. juli er tema.

Toralv Maurstad er tilbake på scena i Tyra Tønnesens «Overføring», ei framsyning basert på intervju med 13 pensjonerte psykoterapeutar om livet og yrkesvala deira.

Bjørn Sundquist har regien på endå ei Beckett-framsyning. Han har tidlegare sett opp både «Mens vi ventar på Godot» og «Krapps siste spole». No set han opp «Røff» på Scene 2 med premiere 21. januar.

På Scene 2 blir det også svensk familiedrama. Alan Lucien Øyen set opp svenske Lars Noréns «Som lauvet i Vallombrosa».

På den minste scena på teateret, Scene 3, blir det blant anna meir Jon Fosse. «Det er Ales», dramatisert av Maria Sand får premiere 28. januar.

Her vårframsyningane:

Hovudscena:
«Kan nokon gripe inn» – urpremiere 14. januar

«Edda» – urpremiere 4. mars

«11 år» – urpremiere 23. mai

Scene 2:
«Røff» – premiere 21. januar

«Overføring» – urpremiere 18. februar

«Som lauvet i Vallombrosa» – premiere 25. mars

«Drake-Zoo» – urpremiere 6. april

Scene 3:
«Jakob og Neikob» – urpremiere 13. januar

«Det er Ales» – premiere 28. januar

«Åstaddikting» – urpremiere 25. februar

«Sju dagar i august» – urpremiere 1. april

«Eg hatar persiske teppe» – urpremiere 23. mars. (©NPK)

LES OGSÅ: Kva hadde skjedd om Julie var på Tinder?

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...