Heim Nyhende Nynorsk i Vestlandsregionen? Ja, sjølvsagt!

Nynorsk i Vestlandsregionen? Ja, sjølvsagt!

Den nynorske språkarven må ikkje skuslast bort, men førast aktivt vidare i ein Vestlandsregion – om no det blir sluttresultatet.

Språkdirektør Åse Wetås skriv klokt og innsiktsfullt om språkval for Vestlandsregionen i BT 18.10. Vestlendingane må sjølve ta ansvar og syta for at nynorsk blir administrasjonsspråket og vedta at staten skal bruka nynorsk overfor den nye regionen. Viss ikkje blir alle fagre ord om nynorsk og identitet null verdt. Språknøytralitet er eit dekke for bokmål, det er velkjent. Ingen må la seg lura av det.

– Det skjøna også eit fleirtal i fylkestinget i Møre og Romsdal i vår då dei vedtok at nynorsk skal vera administrasjonsspråket i fylkeskommunen – i nordvestlandsfylket med byane Ålesund, Molde og Kristiansund. Ein språknøytral, dvs. bokmålsbrukande storregion i sør ville  truleg verka undergravande for dette vedtaket. Og det ville vidare kunne svekka og vera til meins for nynorsk som nasjonalmål slik språkdirektør Wetås er inne på.

La det vera tydeleg at Vestlandet held i hop gjennom å hevda nynorsk bruksmål frå Garborg og Torvunds Rogaland til Aasen og Hyldbakks Møre og Romsdal. Nynorsk regionmål blir ikkje noko ulykke for rogalendingane, tvert imot. Gjennom nynorsken blir  kulturell identitet og språkkjensle styrka. Få bymål står nynorsken nærmare enn stavanger – og haugesundsdialekt.

Det kviler eit stort ansvar på dei folkevalde og leiarane deira i dei tre fylka Rogaland, Hordaland og Sogn og Fjordane. Den nynorske språkarven må ikkje skuslast bort, men førast aktivt vidare i ein Vestlandsregion – om no det blir sluttresultatet.

Øyvind Fenne, odding og harding med utsyn frå Romsdal

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...