Heim Nyhende Jublar over nynorskpris

Jublar over nynorskpris

Christian Wiik Gjerde jubla under då han fekk Kulturdepartementet sin nynorskpris for journalistar i 2013.

 

Prisen vart delt ut under Dei nynorske festspela i Ørsta fredag. I takketalen siterte Wiik Gjerde mor si om at det er lettare å vinne i lotto enn å få nynorskprisen for journalistar.

 

– Dette er ufatteleg stort for meg. Eg føler det litt som eit barn sa til meg ein gong han var så kry over noko han hadde gjort og sa at han var sjalu på seg sjølv. Onkelungane har laga krune til meg i dag for dei trur eg har blitt nynorskprins, sa prisvinnaren då han fekk prisen under Dei nynorske festspela i Ørsta fredag.

Kommentator Tom Hetland i Stavanger Aftenblad delte ut prisen og sa at Christian Wiik Gjerde har stått for god formidling av dialekt og nynorsk til barn gjennom radioprogrammet Superblokka på NRK P1. Programmet blir sett på som oppfølgeren til den populære Barnetimen, skriv Nynorsk Mediesenter om prisutdelinga. 

Møter barna med respekt
– Christian Wiik Gjerde møter barna med respekt og openheit på ein vennleg måte og byr gjerne på seg sjølv og sine opplevingar. Slikt blir det gode samtalar og god radio av, sa Hetland som også la vekt på at prisvinnaren har brukt god og levande nynorsk på nettsidene til NRK Super.

– Christian Wiik Gjerde har gjort ein prisverdig innsats for at barn i både boksmåls- og nynorskområde tidleg får eit naturleg forhold til det nynorske språket, sa Tom Hetland under prisutdelinga i Ørsta. Juryen hadde fått inn 28 kandidatar til prisen som i år vart delt ut for åttande gong.

Starta karrieren i Førde
Prisvinnaren starta si karrire i NRK som nynorskpraktikant ved NRK Nynorsk mediesenter i Førde.

– Dørene opna seg for meg i Førde. Eg hadde aldri vore der eg er i dag utan grunntreninga i journalistikk frå NRK Nynorsk mediesenter, meiner Christian Wiik Gjerde. Prisvinnaren, som kjem frå Tjørvåg på Sunnmøre, er 32 år og brukar nynorsk og dialekt i alle programma sjølv om dei fleste born som deltek i Superblokka snakkar austlandsdialekt.

Ungar har ikkje språklege fordommar
– Eg snakkar norsk og er meg sjølv. For meg er nynorsk verdas vakraste og rikaste språk. Eg sender ei varm takk til NRK Super som verkeleg satsar på dialekt og nynorsk. Ungar har ikkje språklege fordommar og forstår alt, seier Wiik Gjerde til Nynorsk Mediesenter.

Kulturdepartementet sin nynorskpris for journalistar er på 50.000 kroner og eit kunstverk. Den stolte vinnaren er sikker på at han kjem til å brenne endå meir for språket sitt etter tildelinga på Ivar Aasen-tunet i Ørsta på fredag.

– Eg heiter Christian Wiik Gjerde. Eg er nynorskprinsen 2013 og skal med handa på hjartet vere ein god ambassadør for nynorsken resten av livet, jubla prisvinnaren frå Tjørvåg på Sunnmøre.

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...