Heim Nyhende Kartlegg nynorskkommunane

Kartlegg nynorskkommunane

Ei kartlegging skal no gi svaret på kva språklege tiltak som trengs i nynorskkommunane.

Det er Språkrådet, LNK og Nynorsk kultursentrum som står bak kartlegginga, som no har gått ut til alle nynorskkommunar og 11 av dei språknøytrale kommunane.

Bakgrunnen for kartlegginga er eit ønske om å finne ut stoda i nynorskkommunane, slik at staten kan leggje til rette for dei spesielle behova desse kommunane måtte ha.

I kartlegginga er det til dømes spørsmål om kva retningslinjer og språkpolitiske tiltak dei har i kommunane, og korleis statsorgana tek omsyn til målvedtaket i nynorskkommunar, seier rådgjevar Daniel Ims i Språkrådet.

Språkrådet fører som kjent tilsyn med om mållova blir fylgt opp, og Ims legg vekt på at det i stor grad er privatpersonar som klager på brot på mållova, og ikkje kommunar.

Det kan vere fleire grunnar til det. Det er også noko me håpar denne kartlegginga kan gi oss svar på, seier han.

Fristen for å svare på kartlegginga er sett til 20. desember, og Daniel Ims håpar ein kan ha resultata klare tidleg på nyåret. I ettertid vil det bli laga ein rapport med utgangspunkt i resultata, ein rapport som skal vere med og danne grunnlaget for den vidare språkpolitikken, både i Kommunal-og regionaldepartementet og i Kulturdepartementet.

– Dette er også ein god måte å kome i kontakt med kommunane på. Språkrådet har mykje kontakt med staten, men heller lite kontakt med kommunane, seier Ims.

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...