Vinnaren av Klarspråksprisen 2012 er Statens vegvesen.
Juryen meiner Statens vegvesen har arbeidd systematisk med godt språk gjennom mange år og har vist imponerande gjennomføringsevne.
Les heile grunngjevinga frå juryen
– Statens vegvesen har sett i gang og gjennomført tiltak og prosjekt med tydeleg entusisme og skapt glød og begeistring i heile organisasjonen. Klarspråksarbeidet er solid forankra på alle nivå i organisasjonen, og vinnaren har klart å integrere klarspråksarbeidet i den daglege drifta på ein god måte. Vegvesenet har kartlagt førsituasjonen grundig, målt resultata undervegs og kan vise med tal og statistikk at dei har oppnådd økonomiske resultat og nå sparer tid og har meir nøgde brukarar, seier juryleiar Kjell Lars Berge.
– Klarspråksarbeidet er eit viktig bidrag til bedre dialog med brukarane. Eg er glad for at Vegvesenet valde å satse på klarspråk i 2010, og er sjølvsagt veldig stolt over at me allereie no går av med førsteprisen blant dei 60 offentlege organisasjonane som jobbar med å skrive klarare, seier vegdirektør Terje Moe Gustavsen i ei pressemelding.
I år blir Klarspråksprisen delt ut for fjerde gong. Prisen skal vere med å fremje og styrke klarspråksarbeidet i staten. Prisen går til eit statsorgan som har lagt ned ein ekstraordinær innsats for å gjere tekstar på papir og nett tilgjengelege og forståelege for brukarane. Prisen blir delt ut av Fornyings-, administrasjon-og kyrkjedepartementet.
I juryen sit Kjell Lars Berge (leiar), Gunn Ovesen, Ola Breivega og Ragnfrid Trohaug.
