Knut Olav Åmås blir ny statssekretær i Kulturdepartementet. Åmås har blant anna tidlegare blitt tildelt nynorskprisen Melsomprisen frå Samlaget.
Knut Olav Åmås (f. 1968) er Cand. philol. med hovudfag i filosofi frå Universitetet i Bergen 1996 og har doktorgraden i medievitskap. Har også studert idéhistorie og administrasjon og organisasjonsvitskap. Han var forlagsredaktør for filosofi, litteratur og språk i Universitetsforlaget frå 1996 – 2001. Åmås var redaktør for Samtiden frå 2001 til 2006, då vart han tilsett som debatt-og kronikkredaktør i Aftenposten – ein jobb han har hatt heilt til no.
Her kan du lese kven som sit i den nye regjeringa
Åmås har også arbeidd som journalist og redigerar i Bergens Tidende og Aftenposten, og som debattredaktør i Dagbladet. Han har vore fast bidragsytar til Dag og Tid, Dagens Næringsliv og Morgenbladet, og har skrive ei mengd artiklar i andre norske og skandinaviske aviser, tidsskrift og magasin. Har vore redaktør for Magasinet Kunstforeningen og UiB-Magasinet.
Han har også gitt ut fleire bøker på Samlaget, og fekk i 2005 Melsomprisen for biografien om Olav H. Hauge.
