Heim Nyhende Kommunal Rapport: Utval foreslår fleire fylkesoppgåver

Kommunal Rapport: Utval foreslår fleire fylkesoppgåver

Ekspertutvalet for regionreforma foreslår å flytte oppgåver frå staten til fylkeskommunane. Kommunalminister Monica Mæland (H) får rapporten torsdag.

 

Ifølgje Kommunal Rapport foreslår utvalet ei omfattande oppgåveoverføring frå Fylkesmannen, direktorat og andre statlege verksemder til dei nye fylkeskommunane.

Utvalet har «gått nokså drastisk til verks», seier ei sentral kjelde om arbeidet som er gjort. Etter det vekeavisa erfarer, foreslår utvalet å legge ned fem direktorat eller statlege verksemder, og å vesentleg slanke tre til fem andre direktorat. Oppgåver og ansvar blir foreslått flytta til dei politisk styrte fylkeskommunane.

Oppgåveoverføringa svarar til om lag 15 milliardar kroner i økonomiske ressursar.

Utvalet skal ha tatt utgangspunkt i oppgåver som fylkeskommunen allereie har, og foreslår nye oppgåver som er nærliggjande. Fylkeskommunane har ansvaret for vidaregåande opplæring og fagskular, og utvalet foreslår fleire oppgåver knytt til dette.

Det blir foreslått å flytte ei rad politiske skjønnsoppgåver frå Fylkesmannen til fylkeskommunen. Truleg inkluderer dette å flytte forvaltninga av skjønnsmiddel, som Fylkesmannen i dag fordeler til kommunane etter behov.

Forvaltningsoppgåver i Fylkesmannens miljøavdeling og landbruksavdeling blir truleg også foreslått overført. Dette er eit ønske i fylka og er blitt foreslått av eit mindretal i Stortinget.

Utvalet vil truleg foreslå å styrke verkemidla i plan- og bygningslova, slik at regionale planar blir meir forpliktande.

Mæland sa nyleg til vekeavisa at ho vil bruke den tida som er nødvendig for å få til politiske forslag om oppgåveoverføring til regionane. Målet er å fremme eit forslag i år, før sommaren om mogleg.

(©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...