Heim Nyhende Kringkastingsringen: NRK-omlegging kunne styrkt nynorsken

Kringkastingsringen: NRK-omlegging kunne styrkt nynorsken

Målorganisasjonen Kringkastingsringen er ikkje mindre uroleg for framtida til distriktskontora i NRK etter at NRK onsdag gav etter for den kraftige kritikken mot omlegginga av dei lokale tv-sendingane.

 

Klagane strøymde på etter at NRK etter nyttår erstatta den faste 15-minuttssendinga med regionale nyheiter før Dagsrevyen med tre sendingar à 4 minutt. Onsdag snudde kanalen og lovde igjen lengre distriktssendingar.

– Vi har rett og slett undervurdert den enormt sterke relasjonen sjåarane har til tv-nyheitene frå sitt distrikt, sa distriktsdirektør Grethe Gynnild-Johnsen i NRK onsdag.

Men retretten løyser ikkje den minkande ressursbruken ved distriktskontora til NRK, meiner Kringkastingsringen, som helst hadde sett at NRK heldt fast på det nye opplegget.

– Distriktskontora bør styrkjast, men når det skortar på ressursane, må ein gjere det beste ut av det ein har. At gode journalistar ved distriktskontora, mange av dei nynorskjournalistar, skulle få meir tid til å lage kvalitetsjournalistikk, var positivt. Det kunne gjort at nynorsk fekk ein meir framståande posisjon på NRKs flater, seier styreleiar Guro Kvalnes i Kringkastingsringen.

Kvalnes trur NRKs ønske om å produsere meir kvalitetsstoff på alle flater kunne gitt meir nynorsk. For NRK strevar stadig med å oppfylle kravet om 25 prosent nynorsk. På NRK.no var i 2016 nynorskdelen så låg som 17 prosent, gjekk det fram av den siste Allmennkringkastingsrapporten frå Medietilsynet. Den prosentdelen kunne ha vorte høgare om distriktsjournalistane fekk levere meir stoff på nettet, meiner Kringkastingsringen.

– Eg tør nesten ikkje tenkje på korleis posisjonen til nynorsken i NRK hadde vore utan distriktskontora. Samanhengen mellom nynorskdelen, dialektmangfaldet og distriktskontora er udiskutabel, seier Kvalnes, som er spent på kva planar kringkastinga no kjem opp med for distriktskontora framover.

<p>(©NPK)</p>

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...