Heim Nyhende – Kommunane bør ha eigarmelding

– Kommunane bør ha eigarmelding

– Kommunane bør utvikla eigarmeldingar som viser kva selskap dei er involverte i. Det meiner kommuneorganisasjonen KS.

– Å vera passiv eigar er uakseptabelt. Kommunane bør ha eit aktivt og bevisst forhold til desse selskapa og syta for å kontrollera at dei driv med det dei skal driva med og at alle har innsyn i selskapet, seier Helge Eide, interessepolitisk direktør i KS på nettsida til organisasjonen.

Aftenposten fortalde før påske at dei 2.600 selskapa som kommunane eig sjeldan blir kontrollerte. Dette er éin av grunnane til at KS no går ut og oppmodar kommunane om å utvikla eigarmelding. Ei slik melding vil gjera det lettare å styra og kontrollera kommunale selskap.

KS har i fleire år vore oppteken av å leggja til rette for godt kommunalt eigarskap og oppretta i 2007 eit eige forum som set søkjelys på dette. Eigarforumet har mellom anna utvikla 19 tilrådingar for godt og aktivt eigarskap som kommunane kan lasta ned frå nettet.

1.–2. juni arrangerer eigarforumet til KS dessutan ei samling i Oslo der dei set søkjelys på kommunalt eigarskap. (©NPK)

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Jan Olav Fretland er kurshaldar for komande kurshaldarar i kurset På sakslista. Foto: Samlaget og montasje

Kurs: Vil du bidra til å gjera kommunane betre på klarspråk og nynorsk?

Velkommen til kurs! Me skal bruka to dagar på å gå gjennom viktige reglar og råd for den som skal kursa offentleg tilsette. Hovudmålet med...

Lanserer ny og betre nettside for nynorske bøker

Nettsida nynorskbok.no er blitt oppgradert slik at det skal verte enklare å få oversikt over gode bøker på nynorsk. Nynorskbok.no er eit tilbod frå...

Nynorsk kultursentrum med på stjernelag i forsking 

Nynorsk kultursentrum er med i eitt av 82 prosjekt som får støtte frå ordninga for banebrytande forsking i  Noregs forskingsråd. Ibsen og Bjørnson opna den...

Ottar Grepstad med ny bok om bøker

Forfattar Ottar Grepstad kjem med boka Bokhistorier om bok- og forlagshistorie. – Bokhistorier er eit essayistisk og leksikalsk overflodshorn om bøker, forlag og forfattarar i...