Heim Nyhende Kommunane bruker mest på idrett

Kommunane bruker mest på idrett

I Rogaland bruker kommunane størst del av utgiftene sine på kultur.

Ein fersk rapport frå Statistisk sentralbyrå viser at kommunane brukte 9,4 milliardar kroner på kultur i 2012. Dette utgjer 3,8 prosent av dei totale netto driftsutgiftene.

Sjølv om det har vore ein auke i utgiftene til kultur på 4 prosent frå 2011, har delen av dei totale utgiftene som går til kultur gått ned frå 3,9 prosent i 2011 til 3,8 prosent i 2012.
Endringa frå 2011 til 2012 har ikkje ei openbar årsak. Alle kulturområda, bortsett frå kino, har auke i netto driftsutgifter.

Netto driftsutgifter til kunstformidling utgjer 5 prosent av utgiftene til kultur. Dette kulturområdet hadde høgast prosentvis auke frå året før med 14 prosent, eller 65 millionar kroner. Høgast del av kulturutgiftene i kommunane var som i åra før til idrett.

Kommunane brukte totalt 2,9 milliardar kroner til idrett i 2012, ein auke på 200 millionar kroner det siste året. Av netto driftsutgifter til kultur gjekk 31 prosent til idrett.
1,4 milliardar kulturkroner gjekk til folkebibliotek, ein auke på 73 millionar, eller 6 prosent samanlikna med året før.

Kommunane i Rogaland hadde til saman høgast vekst i netto driftsutgifter til kultur med 101 millionar kroner eller 11 prosent. Oslo og kommunane i Troms hadde nedgang i kulturutgiftene med respektive 6 og 3 prosent.

Oslo brukte mest pengar på kultur i 2012, 1,3 milliardar, medan Rogaland brukte mest pengar på kultur målt i prosent av totale netto driftsutgifter, 4,7 prosent. I gjennomsnitt brukte kommunane 1860 kroner per innbyggjar til kulturformål i 2012, 72 kroner meir enn året før. For sjette året på rad er det kommunane i Finnmark som bruker mest til kultur per innbyggjar med 2838 kroner, ein auke på 54 kroner samanlikna med året før.

Kommunane i Østfold bruker minst med 1409 kroner per innbyggjar, ein auke på 65 kroner, eller 3,1 prosent, samanlikna med året før.

Les meir kulturstatistikk hjå Statistisk Sentralbyrå!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...