Tre produksjonsselskap konkurrerer no om å få lage filmen som skal syne at Sogn og Fjordane er fylket for framtida, skriv Fylkeskommunen i Sogn og Fjordane.
Filmen skal nyttast for å lokke dyktige og framtidsretta menneske til å flytte til fjord- og fjellfylket. Filmen skal vere klar til februar 2011.
Fristen gjekk ut torsdag, og til saman kom det inn sju tilbod frå ulike produksjonsselskap, og dei tre som no er plukka ut til siste tilbodsrunde er Dinamo (Oslo), Pandora (Bergen), og Feber Film (Bergen). I veke 39 skal avgjersla om kven som får lage filmen vere teken.
Målgruppa for filmen er menneske med høgare utdanning mellom 20 og 45 år, og gjennom filmen ønskjer aktørane bak å skape begeistring for fylket.
Filmen er eit samarbeidsprosjekt mellom Sogn og Fjordane fylkeskommune, Framtidsfylket og NHO. (NPK)
