Heim Nyhende – Køyr på med nynorsk, Bergen!

– Køyr på med nynorsk, Bergen!

Nasjonalt senter for nynorsk i opplæringa seier Bergen har all rett til å starta forsøk med tidleg start med nynorsk. Frå hausten er det allereie avtalt nynorskforsøk på tre skular i Bergen.

 

Fleirtalet i Bergen bystyre har samla seg om eit forslag om å be byrådet om å kontakta sentrale styresmakter med sikte på å utgreia eit forsøksprosjekt som skal auka elevane sin kompetanse i både hovud- og sidemål.

Forsøket skal gi sidemålsopplæring frå 3. klasse, og sørgja for at elevane blir eksponert for både bokmål og nynorsk i alle fag.

LES SAKA: Vil innføra nynorsk for tredjeklassingar i Bergen

 

Dette skriv Torgeir Dimmen, senterleiar for Nasjonalt senter for nynorsk i opplæringa på Twitter.

Til Framtida.no utdjupar han:

– Det er veldig bra med merksemd rundt tidleg start med sidemål i skulen. Slik fagplanen er no er det berre til å starta, men det er flott at dei vil ta kontakt og sørgja for å ha eit systematisk opplegg rundt dette.

LES OGSÅ: Nynorsk som hjernetrim

– Litt gøy
Det heile starta med at Høgremannen Jacob Mæhle ville gjera sidemål valfritt i vidaregåande i Bergen. Men dette ville ikkje fleirtalet i bystyret vera med på:

– Det er litt gøy at eit forslag som ville svekkja sidemålet si stilling, endar opp med å styrkja det, seier førstekandidat for Bergen Venstre, Erlend Horn (bildet).

Han forklarer at grunnen til at han ønskjer at byrådet skal kontakta sentrale styresmakter om forsøk med sidemål frå tredjeklasse er at dei vil vera sikre på alt går rett føre seg.

– Men det er absolutt mogleg at me har eit handlingsrom. Forslaget vårt er også eit signal om me ønskjer meir opplæring i sidemål, seier han til Framtida.no.

I første omgang ber fleirtalet om forsøk med meir sidemål for elevar på tredjetrinnet på tre skular.

– Viss forsøket har positive resultat, er eg sikker på at fleirtalet vil gjennomføra dette over heile fjøla, seier Erlend Horn.

LES OGSÅ: Fylket som forundrar forskarane

Startar allereie til hausten
Allereie til hausten har tre skular i Bergen meldt seg på eit prosjekt for tidleg start med nynorsk for bokmålselevar.

Bokmålselevane på 4.trinnet ved Ådnamarka skule, 6.- og 7.trinnet ved Lone skule og heile mellomsteget på Ytre Arna barne- og ungdomsskule  skal vera med på prosjektet.

Kring to tredjedelar av elevane på desse skulane er bokmålselevar som går i klasse med nynorskelevar.

– Forsøket vil også gi positive effektar for nynorskelevane ved desse skulane, seier Anne Marta Vinsrygg Vadstein. Ho er prosjektleiar for tidleg start med nynorsk ved Nasjonalt senter for nynorsk i opplæringa.

Låg terskel
Skular i Lørenskog, Trondheim og Bodø er allereie i gang med forsøket med tidleg start med nynorsk i skulen for bokmålselevar.

– Grunnlaget for dei nye prosjekta er formuleringane i fagplanen om at elevane skal møte «det andre» språket heilt frå første klasse og at dei også skal byrja å prøva seg fram meg skriving alt på mellomtrinnet. Meveit lite om korleis dett blir følgt opp i norske klasserom, men me har ein mistanke om at det ikkje blir gjort i særleg grad, i alle fall ikkje systematisk, seier senterleiar Torgeir Dimmen.

Tidleg start-prosjekta som senteret no er i gang med, skal utvikla fleire tilbod med ein låg terskel for å delta.

– Det vil seia å prøva ut måtar å gjera dette på som ikkje krev spesialkompetanse frå læraren og heller ikkje andre ekstraressursar. Slik skal kven som helst av kompetente lærarar over heile landet kunne gjera det, seier Torgeir Dimmen.

Han har tru på at dette er eit godt tiltak for å skapa forståing og toleranse for nynorsk i bokmålsområde.

Skulane som er med på prosjektet vil få støtte til innkjøp av Norsk Barneblad, teaterbesøk til nynorske framsyningar og bøker på nynorsk.

LES OGSÅ: Draumen om ein bokmålsoase

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...