Heim Nyhende Krev framleis 25 prosent nynorsk i NRK

Krev framleis 25 prosent nynorsk i NRK

– Det er avgjerande at nynorskbrukarane får sjå språket sitt i media, seier Karl Peder Mork, leiar i Norsk Målungdom.

Kulturdepartementet sende i starten av juni NRK-plakaten ut på høyring. Plakaten er ein del av statuttane til statskringkastaren. Det er her vi mellom anna finn kravet til minst tjuefem prosent nynorsk. I sitt høyringssvar ber Målungdomen om framhald av denne regelen.

– Nynorsken er i mindretal. Men nynorskbrukarar har også krav på å sjå språket sitt. I rikspressa er språket mest totalt fråverande; jamvel forbode fleire stader. NRK må fungere som ein motpol og stø opp om nasjonal nynorskbruk, forklarer Karl Peder Mork.

LES OGSÅ:Fleire vil bli nynorskpraktikantar

Det totale gjennomsnittet av nynorskbruk i NRK ligg i dag under 25 prosent-grensa. Det talet er like vel aukande. Målungdomen viser i sitt høyringssvar til NRK Super som dei siste åra har passert minstekravet. Det er Mork godt nøgd med.

– Språket i ein barnekanal som NRK Super har ein viktig pedagogisk verdi. Nynorskbrukande barn får sjå språket sitt på TV i beste sendetid. Bokmålsbrukande barn får lære mindretalsspråket dei ikkje får gjennom andre media. Dette tener alle på, slår Mork fast.

Det er uvisst kva som vil skje med språkreglane i NRK. Stortinget skal behandle ei språkmelding om NRK neste år. Mork vonar stortingspolitikarane vil stø opp om nynorsken.

– Som Noregs største kringkastar har NRK eit særskilt ansvar kva gjeld synleggjering av språket. I mai fekk vi Grunnlova på nynorsk, denne stadfestinga av skriftspråket må sjølvsagt bli spegla i ein statskringkastar, avsluttar Mork.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...