Heim Nyhende KrF kan snu om kommunetvang

KrF kan snu om kommunetvang

Det blir omkamp om tvangssamanslåing av kommunar under KrF-landsmøtet til helga. Fleire seier nei til tvang.

 

– Vi er ikkje for tvang. Prinsipielt skal det vere fri vilje. Og skal det vere fri vilje, så skal det vere fri vilje. Det skal ikkje vere avgrensingar, seier ordførar i Vennesla Torhild Bransdal (KrF) til Nationen.

Til helga innleier ho til debatt om kommunereforma under KrF-landsmøtet i Trondheim.

– Eg ser jo at politiske uvenner seier at KrF er for tvang. Vi er ikkje for tvang. Difor er det utruleg viktig å klargjere det, seier ho.

KrF-landsmøtet opna for første gong for tvangssamanslåingar for to år sidan, med svært knapt fleirtal. Vedtaket vektla også fri vilje sterkt.

Den andre innleiaren i debatten, ordførar Astrid Aarhus Byrknes i Lindås, meiner det ikkje er nokon grunn til å snu.

– Vi har sagt at det ikkje er naturleg at kommunar der det er geografisk vanskeleg slår seg saman. Men i regionar der fleire kommunar ligg tett på kvarandre og éin kommune stenger for eit samarbeid med andre, bør Stortinget kunne gripe inn. Det er ikkje det same som å tvinge kommunar saman, slik eg ser det.

Nationen spurde for to veker sidan KrF-leiar Knut Arild Hareide om KrF kan snu om tvang.

– KrF-programmet vektlegg fri vilje. Eg kan ikkje forskotere landsmøtet, sa han då.

Ap snudde om tvang under landsmøtet i april. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...