Studentmållaget i Oslo får krass krtikk for å skape stereotypiar.
– Det er alt for få som skriv på nynorsk her på Universitetet. Det burde ha vore fleire. Her kjem folk frå heile landet, og så er det berre to små prosent som leverer masteroppgåva si på nynorsk.Eg trur årsaka ligg i alle mytane som blir halde i hevd av målrørsla, mellom anna Studentmållaget i Oslo (SmiO). Desse mytane vil eg gjerne få avkrefta, skriv Kristian Lødemel i eit lesarbrev til Universitas.
Eit mållag burde ikkje skape stereotypiar som gjer at ein blir plassert i bås berre fordi ein skriv nynorsk. Slik SmiO framstår no, gjer dei meir skade enn gagn, for dei gjer valet om å skrive på nynorsk til noko større enn det er, skriv han.
– Det viktigaste her er berre å bruke nynorsken. Skriv nynorsk for å halde fast på røtene. Skriv nynorsk for å ha eit godt språk å jobbe med. Skriv nynorsk fordi du meiner noko med det, eller fordi du ikkje meiner noko med det. Men ikkje la det største Universitetet i Noreg (i alle fall når det kjem til sjølvskryt) vere ein stad der det finst så få som har viljen til språk
