Heim Nyhende Kritisk til manglande beredskap

Kritisk til manglande beredskap

 

Barneombodet er uroa over barnevernsberedskapen i norske kommunar. Fire av ti kommunar har ingen beredskap etter kontortid.

 

Det viser tal frå Barne-, ungdoms- og familiedirektoratet (Bufdir), skriv Vårt Land.

Barneombodet er uroa for at barn som treng akutt hjelp på grunn av vald eller omsorgssvikt i jula, ikkje vil få det.

– Vald og omsorgssvikt mot barn skjer som regel ikkje i kontortida, då er dei gjerne på skulen. Det er helgar, kveldar og heilagdagar som er dei mest utsette tidene. Difor er det heilt uakseptabelt at så mange kommunar framleis ikkje har nokon organisert måte å hjelpe desse barna på når kontoret er stengt, seier barneombod Anne Lindboe til avisa.

Fleire av kommunane som ikkje har barnevernsvakt på kveldstid, har alternative løysingar der politiet tek imot meldingar.

– Det er ikkje bra at politiet hentar barnet, verken for barnet eller familien, meiner Lindboe.

Kommunane vart lovpålagt å ha akuttberedskap i 2009, men ifølgje erfaringa til Alarmtelefonen for barn og unge har ikkje lovpålegget hatt nokon effekt.

– Situasjonen er nesten identisk med slik det var før akuttberedskap vart lovpålagt, seier leiaren for alarmtelefonen, Trond Sælør, til avisa.

Barneombodet meiner at barneminister Solveig Horne (Frp) må komme på bana og skjerpe inn lovgjevinga. Ho sende i sommar eit brev til kommunar og fylkeskommunar der ho peikte på at akuttberedskapen er lovpålagt.

– At så mange kommunar ikkje har rutinar for å handtere akuttberedskap er veldig alvorleg, seier ho. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...