Heim Nyhende KS kjem med opplæring på nynorsk for folkevalde

KS kjem med opplæring på nynorsk for folkevalde

Etter neste kommuneval, i 2019, kan norske lokalpolitikarar sjå fram til å få folkevaldopplæringa si på nynorsk.

 

Fram til no har læringsmateriellet berre vore tilgjengeleg på bokmål, og dette har vore ei kjelde til frustrasjon i mange nynorskkommunar. Det er KS som tilbyr dei aktuelle kursa, og  administrerande direktør i KS Lasse Hansen forstår frustrasjonen:

– Det er naturleg at dette læringsmateriellet også vert tilgjengeleg på nynorsk, og dette er ei sak eg kjem til å ta opp med styreleiar i KS med det første, seier Hansen i ein kommentar.

Landssamanslutninga av nynorskkommunar (LNK) og KS  drøfta saka denne veka, og vart då einige om å samarbeida tettare i tida som kjem, for å  tydeleggjera KS sin språkpolitikk.

Ordførar i Vinje, Jon Rikard Kleven, var med på møtet og er svært nøgd med resultatet:

– Språk er ein viktig del av identiteten vår og det er viktig at ein organisasjon som KS, som organiserer alle kommunane i landet, har ei offensiv haldning også på dette området, seier Kleven. Vinje kommune var ein av fleire som etter kommunevalet i fjor reagerte på at materiellet rundt folkevaldopplæringa berre finst på bokmål.

– Dette var eit positivt møte, og eg ser fram til eit godt samarbeid med KS om temaet språk framover, seier dagleg leiar i LNK, Vidar Høviskeland.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...