Heim Nyhende KS-utspel gjer lærarane glade

KS-utspel gjer lærarane glade

Nye signal frå KS om lærararbeidstid gir Utdanningsforbundet auka tru på at partane kan komme fram til ein arbeidstidsavtale.

I eit intervju med Kommunal Rapport slår forhandlingsleiar Per Kristian Sundnes for arbeidsgivarorganisasjonen KS fast at ein sentral avtale om undervisningstimar vil fortsette å eksistere.

KS kravde opphavleg at alle reglar som set grenser for kor mange timar lærarane skal undervise, skal fjernast. No er lærarane likevel sikra ei viss tid til førebuingar og etterarbeid, ifølgje Utdanningsforbundet.

– Det er positivt at KS rører på seg og viser ny forhandlingsvilje. Dette er eit godt utgangspunkt for dei kommande forhandlingane, seier Utdanningsforbundets leiar Ragnhild Lied.

Ho seier forhandlingsutvalet no ser moglegheita for å nå fram til ei løysing for å sikre ein god skule, som større enn tidlegare.

– For oss er prinsippet om ein sentral avtale som sikrar at lærarane har tid til å førebu undervisninga og følgje opp elevane, viktig, seier Lied.

KS kjem også til å droppe kravet om at arbeidsåret for lærarane blir strekt frå 39 veker til 45 veker, slik det er i dag. Dette var eit forhandlingsutspel, understrekar både Sundnes og styreleiar i KS, Gunn Marit Helgesen.

Per Kristian Sundnes trur no at sannsynet for at det ikkje blir streik, og at partane kjem til semje hos meklaren, er på om lag 70 prosent. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...