Med eit kjapt klikk på PC-en opna kulturminister Hadia Tajik (Ap) torsdag ettermiddag det nye digitale biblioteket til Nasjonalbiblioteket.
Gjennom Bokhylla.no er over 100.000 bøker som gjevne ut før 2000 no tilgjengelege gratis på nettet. I 2017 skal bokhylla innehalda 250.000 titlar.
– Med Bokhylla.no er alle nordmenn sikra ein permanent tilgang til eit heilt unikt digitalt bibliotek. Eit bibliotek forskarar kan dykka ned i utan å forlata kontoret, som studentar kan gjera seg klokare i, eit arkiv som alle nyfikne brukarar kan bruka når det måtte passa, sa Tajik.
Bokhylla.no starta som eit prøveprosjekt i 2009. 28. august i år blei det inngått ein avtale mellom Nasjonalbiblioteket og Kopinor som gjorde tenesta permanent.
Nasjonalbibliotekar Vigdis Moe Skarstein seier at ho ikkje kjenner til noko tilsvarande teneste nokon annan stad i verda. (NPK)
