Heim Nyhende Kven er Årets nynorskbrukar?

Kven er Årets nynorskbrukar?

No kan du sende inn forslag!

 

Nynorsk kultursentrum ber om framlegg til kven som bør få prisen «Årets  nynorskbrukar 2016». Alle som vil, kan føreslå kandidatar til det direktør Ottar Grepstad sjølv kallar «den fremste nynorskprisen».

– Dette er ein av dei få prisane som dekkjer alle samfunnsområde, seier han i ei pressemelding frå Nynorsk kultursentrum

LES OGSÅ: Ein usannsynleg nynorskbrukar

Fristen for å føreslå kandidatar er onsdag 10. februar og få veker seinare vil styret i Nynorsk kultursentrum ta si avgjerd.

Den gjeve prisen er på 100 000 kroner og vert kvart år delt ut ved opninga av Dei nynorske festspela.

Fjorårets vinnar, kunsthistorikar og forfattar Jorunn Veiteberg, var blant dei 29 framlegga som kom inn i fjor. Dei andre forslaga vert tekne med i vurderinga også i år.

– Mange bør prisast for innsatsen sin over lang tid, men Nynorsk kultursentrum vil med denne prisen særleg framheve det som skjer her og no, på ulike samfunnsområde, seier Grepstad. 

LES OGSÅ: Nynorsk-brørne er Årets nynorskbrukarar

Årets nynorskbrukarar 2000–2015

2000    Høgsterettsdomar Karl Arne Utgård

2001    Hotelldirektør og visepresident i NHO Gerd Kjellaug Berge

2002    Ringstabekk skole

2003    Redaktør Martin Toft

2004    Musikkgruppa Side Brok

2005    Forfattar Kjartan Fløgstad

2006    Forretningskvinne og toppidrettsutøvar Kari Traa

2007    Forlagsredaktør Guri Vesaas

2008    ÅmliAvisa v/redaktør Inger Stavelin

2009    Seksjonsoverlege Ottar Rekkedal

2010    Forfattar Maria Parr

2011    Bloggar Linda Sæbø

2012    Journalistane Ingvild Bryn og Arill Riise

2013    Filosofen Gunnar Skirbekk

2014    Songlyrikarane Aasmund Nordstoga og Odd Nordstoga

2015    Kunsthistorikar og forfattar Jorunn Veiteberg

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...

Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett. – Dette er svært! Desse midlane skal vi bruke klokt i tett samarbeid...